2010 წლის 27 თებერვალს შსს გენერალური ინსპექციის მიერ თანხის თაღლითური გზით გამოძალვის ფაქტზე, დაკავებულ იქნა ქუთაისის სამმართველოს უბნის ინსპექტორ-გამომძიებელი პოლიციის უფროსი ლეიტენანტი  -მამუკა კაპანაძე, რომელმაც მოქალაქეს მცირე ბიზნესის დაწყებაში დახმარებისა და მფარველობის მოტივით, თაღლითური გზით გამოსძალა ფულადი თანხა 100 ლარის ოდენობით.  ფაქტთან დაკავშირებით გამოძიებას აწარმოებს შინაგან საქმეთა სამინისტროს გენერალური ინსექცია.

2010 წლის 2 თებერვალს შსს გენერალური ინსპექციის მიერ ქრთამის  აღების ბრალდებით, დაკავებული იქნა ბორჯომის სამმართველოს უბნის ინსპექტორ-გამომძიებელი, პოლიციის ლეიტენანტი - არჩილ ანზორის ძე კალანდაძე, რომელიც მის სამოქმედო ტერიტორიაზე არსებული ხის გადამამუშავებელი საამქროების მეპატრონეებს პირდებოდა ხელშეუხებლობასა და მოსალოდნელი პრობლემების მოგვარებას, რის სანაცვლოდაც ქრთამის სახით სისტემატიურად იღებდა ფულად თანხებს.

ფაქტთან დაკავშირებით, მიმდინარეობს გამოძიება საქართველოს სისხლის სამართლის კოდექსის 338-ე მუხლით გათვალისწინებული დანაშაულის ჩადენისათვის.

გამოძიებას აწარმოებს შინაგან საქმეთა სამინისტროს გენერალური ინსპექცია.

2009 წლის 6 დეკემბერს შსს გენერალური ინსპექციის მიერ, ქრთამის აღების ფაქტზე დაკავებული იქნა თეთრიწყაროს რაიონის სამმართველოს დეტექტივ-გამომძიებელი, პოლიციის პოლკოვნიკი - ბაგრატ მიხეილის ძე ქოჩორაშვილი. დაკავებული პოლიციელი სისტემატიურად აცილებდა წალკა-თეთრიწყაროს ტერიტორიაზე მიმდინარე საგზაო სამშენებლო ობიექტიდან მოპარულ დიზელის საწვავს, რის სანაცვლოდაც იღებდა გარკვეულ ფულად თანხებს. ერთ-ერთი ავტომობილის გაცილების სანაცვლოდ, ბაგრატ ქოჩორაშვილმა მოქალაქისაგან ქრთამის სახით, აიღო ფულადი თანხა 300 ლარის ოდენობით. გამოძიებას აწარმოებს შინაგან საქმეთა სამინისტროს გენერალური ინსპექცია.